यस बचत समूहको परिकल्पना ललितपुर जिल्लाका तीन युवाहरु (बिपिन कुमार श्रेष्ठः नागदह, धापाखेल; प्रभात कृष्ण श्रेष्ठः ओमबहाल र मनोज मर्हजनः हरिसिद्घि) बैशाख १ गते २०६७ मा भएको थियो । बिभिन्न समयमा भएका बैठक तथा छलफलबाट उक्त परिकल्पना लागू भने चैत्र १, २०७३ बाट मासिक रुपमा रु. ५००० बचत गर्ने निर्णय सहित ४ जना सदस्यहरुबाट सुरु गरिएको थियो । एक बर्षको सफलता पश्चात भने बचत समूहको परिकल्पनालाई ब्यापक रुपमा अगाडी लादै अन्य सदस्यहरु थप गरी मासिक रुपमा रु. १००० बचत गर्ने निर्णय सहित ३८ जना सदस्यहरुबाट सुरु भयो । स्थापनाको सुरुवात देखि नै व्यबस्थापनमा सुधार गर्दै सदस्य संख्यामा बृद्घि गर्दै आइरहेको छ । फलस्वरुप तेस्रो साधारण सभा (चैत्र, २०७७) जेष्ठ ८, २०७८ बाट यस बचत समूहको नामाकरण जतन बचत समूह राखियो । 
 

सदस्यता सम्बन्धी सदस्यहरुले ध्यान दिनुपर्ने बुँदाहरु:

१. प्रत्येक सदस्यहरुले सुरुमा आफ्नो सम्पूर्ण विवरण बचत समूहको वेबसाइटमा भर्नु पर्नेछ ।

२. प्रत्येक सदस्यले सदस्यता शुल्क बापत रु १०० बचत समूहको बैंक खातामा पहिलाे मासिक बचतसँगै गर्नु पर्नेछ ।

३. प्रत्येक सदस्यले विपत व्यवस्थापन कोषका लागि रु १०० बचत समूहकाे बैंक खातामा बचत गर्नु पर्नेछ ।

४. प्रत्येक सदस्यको आफ्नो छुट्टै फोकल व्यक्तिको हुने हुँदा आफूलाई केही समस्या परेमा अथवा समूहका बारेमा केहि जानकारी चाहिएमा उक्त फोकल व्यक्तिलाई सम्पर्क गर्न सक्नुहुनेछ ।